المياة وعلاقتها بعمليه البناء العضلي

المياة وعلاقتها بعمليه البناء العضلي ✔✔✔ -اكتر عنصر مهمل في الجسم ، هو المياة ، بنشيل المياة من حسابتنا تماما ، لما نيجي نسال عن مشكله في جسمنا عموما او معدل الحرق علي وجه الخصوص ✋ -علي قد ما احنا شايفينها عنصر بسيط ومش مؤثر ، علي قد ما هي كلمة السر الحقيقيه في صحه كل عضو في جسمك 👌 -فيه ناس للاسف بتنسي المياة تماما من يومها ، ده الاخطر بقي ان فيه ناس في الشتا ده بتقعد بالايام ما تشربش مياه خاالص❌ علي اساس انهم مش بيعطشو !! -طيب وهو انتا عارف اصلا ايه المؤشر اللي جسمك ممكن يديهولك علشان يفهمك انه محتاج مياة ؟!! -طبعا هتقول ايه العبط ده ماهو اكيد يعني هعطش مش محتاجه ذكاء😁😁 -هقولك وقتها اجابتك غلط ✋ مؤشر العطش ده هو اخر اشارة مخك بيديها لجسمك قبل دخوله في حاله جفاف ، يعني ببساطه انتا ممكن جدا جسمك وأعضائه يبقو محتاجين لمياه وانتا ما تحسش بعطش ⚠ -لكن برضو لما ده يحصل مخك بيعت اشارات لجسمك انه محتاج مياه ، بس انتا بتترجمها غلط ، بسبب مؤثرات تانيه بتخليك تترجم حاله العطش غلط ، وده زي 👇 -حاله الجوع الوهمي االي بيجي فجاءة وبدون مقدمات ، ده بنسبه كبييرة جدااا بيبقي جسمك محتاج مياة مش اكل ، واكبر دليل علي كده انك اول ما بتشرب كوباية مياة وتستني خمس دقايق ، الجوع بيختفي ✔ -انجذابك للسكريات او النشويات فجاءة ، ده برضو بنسبه كبييرة بيبقي جسمك احتياج للمياه ، بدليل انك لو وقتها جربت واكلت اي خضار او فاكهه الرغبه دي بتختفي ، والخضارة والفاكهه فيهم نسبه مياة ✔ -يبقي كده اكبر غلط هو انك تستني لما تعطش علشان تشرب ، لانك بكدة هتبقي بتضر اجزاء كتيرة اووي من جسمك واولهم الكلي طبعا ✋ -الكم المسموح بيه من المياه طول اليوم 🚩🚩🚩 -النقطه دي حصل عليها اختلافات كتييرة جدااا ، لكن تعالو نتكلم من ناحيه عليميه شويه 👇 -اولا الدراسات اثبتت ان كليه الانسان المعافي ، تقدر تستوعب حوالي من 20 ال 28 للتر يوميا -وده معناه انك تقدر تشرب مياه براحتك جدا طول اليوم ، يعني ال3 للتر اللي الناس مستكتراهم دول حاجه بسيطه جداا قصاد استيعاب كليتك للمياه ✋ -ومعناه كمان انك اي كميه مياه هتشربها ، تبقي (علي مدار اليوووووم) بمعني انها تكون متوزعه علي يومك كله بكميات متساويه ، ليه بقي ؟؟👇 -ده لان علميا كليتك ما تقدرش تستوعب اكتر من للتر في الساعه الواحدة ، لان اكتر من كده هيبقي عبيء كبيير علي الكلي وممكن يسببلها ضرر كبيير ❌ - الكلام ده نخرج منه بكذا حاجه وهما 👇 1-لازم مقدارك من المياه لو مش هيعدي ال3 للتر ما يقلش عن 12 كوبايه علي مدار اليوم✔ 2-غلط جدااا تشرب كمية كبيرة من المياة في وقت واحد ، كده هيحمل جداا علي الكلي ومش هتفيدك قد ما هتضرك❌ 3-لازم توزع حصتك من المياة علي مدار اليوم ، وليكن مثلا كوبايه كل نص ساعه هيبقي كويس اوووي ✔ -علاقة المياة بعملية البناء العضلي 🚩🚩🚩 -طبعا اغلبنا ما يعرفش ان نسبه كبيرة جدااا ، من نجاح هدفه سوء كان تخفيض نسبه الدهون في الجسم او زيادة كتله عضليه، معتمد بشكل كبيير علي المياة ✋ -اغلب مشاكل ثبات الوزن بتبقي بسبب نقص المياة لانها عنصر مهم في عملية التمثيل الغذائي ✋ -عدم كفاءة عمليه البناء العضلي والنسيج نفسه ، بتعتمد بشكل كبير علي نقص المياه في الجسم ✋ -اهمية المياة في عمليه البناء العضلي 🚩 -المياه عنصر بيشكل 75 % من تركيب العضلات ، وبالتالي ، البيئة العضلية اللي بتتميز بوفرة نسبه المياه فيها ، هتكون متطورة جدااا وعمليه النمو فيها هتكون اسرع بكتيير ✔ -وده علي عكس البيئه الجافه ، واالي عمليه البناء العضلي فيها هتكون بطيئه جدااا ، وكفاءة النسيج العضلي نفسه هتكون اقل ✋ -عدم وجود كميه كافيه من المياه في جسمك هيمنع النسيج العضلي من امتصاص اهم عناصر بنائه ✔ -يعني بنقص عنصر المياه فعمليه البناء العضلي عندي هتكون فاشله تماما ❌ -المياه عنصر هام جدااا في عمليه التمثيل الغذائي، لان المياه لو مش موجودة جسمي مش هيقدر يحرق كارب او دهون بشكل سليم علشان يمدني بالطاقه ❌ -يعني لو حرقك قل ، اول حاجه تدور عليها هي نسبه المياة في جسمك 👌 -الوقت الامثل لشرب المياه 🚩🚩🚩 -مبدايا كده كوبايه او اتنين قبل كل وجبه مهمه جدااا ، لانها هتنشط الدوره الدمويه في المعدة ، وبالتالي هضهم اسهل يعني استفادة اعلي من الاكل اللي دخلي ✔ -كوبايه او اتين اول ما تصحي من النوم مهمه جدااااا ، بتساعد الكلي علي انها تتخلص من السموم اللي فيها بشكل اسهل ، وبتساعد كمان في اخراج الفضلات المخزنه ، وتبدء يومك وانتا مرتاح ✔ -في وسط الاكل تقدر تشرب مياه كمان مش غلط ولا هيعملك كرش زي ما الاسطورة بتقول 😂 بل بالعكس شرب المياه مع الاكل ، بيسهل عمليه الهضم جدااا ، ولكن تبقي رشفات صغيرة كده بين الاكل ، بلاش ندوس اوووي يعني 😄 بحد اقصي كوبايتين علي الاكل ✔ -شرب المياة قبل النوم مهم جدااا ، وده لانه بيساعد الجسم علي تخزين المعادن المهمه اللي جسمك بيحتاجها ، وبيجدد السوائل اللي جسمك بيفقدها طول اليوم ، ده غير انها بتحميك من خطر الاطابه بالسكته الدماغيه ✔ -غير انها بتساعد علي ترطيب جسمك طول مانتا نايم ✔ -بتشرب مياه قد ايه في اليوم ؟😉 _

 تحياتي عبدالكريم علي المصباحي